Plotësohen të gjitha ekipet e kualikuara në fazën e ardhshme të Ligës së kampionëve

Shkup, 7 dhjeor 2017 (MIA) - Mbrëmë përfundoi faza e grupeve në Ligën e Kampioneve në fudboll dhe me këtë u kompletua lista me ekipet që do të vazhdojnë më tutje në fazën e eliminimeve.
Tetë ekipeve të kualifikuara më herët, u shtohen edhe tetë të tjera nga katër grupet, ekipet e të cilave ndeshjet e tyre i zhvilluan mbrëmë.
Në grupin E, Liverpuli dhe Sevilja, siguruan nga një biletë për në fazën tjetër.
Grupi F është pa Napolin, i cili e zuri vendin e tretë, ndërsa Mançester Siti zuri vendin e parë dhe Shaktari i Donjetskut doli si i dyti në grup.
Beshiktashi dhe Porto ishin skuadrat e kualifikuara nga grupi G, ndërsa grupi H i kishte mbyllur llogaritë që më parë, me Totenhemin dhe Realin që zunë përkatësisht vendin e parë dhe të dytë, ndërsa Dortmundi do të vazhdojë aventurën në Europa Ligë.
Lista me të gjitha ekipet e kualifikuara: Bajern Munih, PSG, Roma, Mançester Junajted Bazel, Çelsi, Barcelona, Juventus, Liverpul, Sevilja, Mançester Siti, Shakhtar Donjetsk, Beshiktash, Porto, Totenhem, Real Madrid.