Infantino: Botërori pa Italinë është tragjediRomë, 19 dhjetor 2017 (MIA) - Kryetari i Federatës Botërore të Futbollit (FIFA), Xhini Infantino, si tragjedi e cilësoi mungesën e Italisë në Kampionatin Botëror në Rusi. "Para se të bëhem funksionar, unë isha tifoz dhe më duhet ta pranoj se Botërori pa Italinë është tragjedi", deklaroi Infantino. Njeriu i parë i FIFA-s i cili është shtetas zviceran dhe i lindur në kantonin italian tha se Italinë e pret shumë punë për t'u kthyer në vendin e merituar, ndërsa ai vend është në majë të futbollit botëror. Italia u eliminua nga Suedia në barazhin për Kampionatin botëror në Rusi që do të zhvillohet vitin e ardhshëm. Për herë të parë pas 60 vitesh "azurët" nuk do të marrin pjesë në Kampionatin Botëror.
|