Armand Duka rikonfirmohet në krye të FSHF-së

Tiranë, 7 shkurt 2018 (MIA) - Armand Duka është rizgjedhur për të pestën herë në krye të Federatës Shqiptare të Futbollit.
Siç njofton ATSH-ja, në Asamblenë e 7-të të përgjithshme zgjedhore, të mbajtur sot në Durrës, gara për kreun e FSHF ishte mes tre kandidatëve, kreut aktual Armand Duka, deputetit të PS, Bashkim Fino dhe ish-arbitrit Shpëtim Hala.
Në raundin e parë asnjë nga kandidatët nuk mori 2/3 e votave. Armand Duka mori 39 vota, Bashkim Fino 22, ndërsa 4 vota u shpallëm të pavlefshme.
Ndërsa në raundin e dytë, Duka mori 38 vota, ndërsa Fino 24 vota.
Në përfundim të këtij procesi që u mbajt sot në Durrës, Armando Duka tha për mediat se është i lumtur jo për faktin se do të jetë president i FSHF-së, por për mbështetjen që ia dhanë dhe ndërkohë ndjen obligim të madh sepse nga sot fillon një gjë akoma më e vështirë për të.