Zagreb, 12 mars 2018 (MIA) - Në Kupën Evropiane për kadetë e cila u mbajt më 10 dhe 11 mars në Zagreb, Kroaci, xhudisti nga Maqedonia Hamza Jashari, anëtarë i XHK Mioki nga Shkupi, e fitoi medaljen e artë në kategorinë deri në 66 kg.
Në konkurrencë me 86 garues, Jashari me gjashtë fitore arriti deri në vendin më të lartë të piedestalit, duke i mposhtur Halapçiq nga Kroacia, Oscai nga Hungaria, Kansi nga Gjermania, Vajsinger nga Austria, Kozllov nga Rusia në gjysmëfinale dhe Gasner nga Austria në finale.
Kjo Xhudo kupë është më masivja sipas numrit të garuesve, me pjesëmarrjen e gjithsej 793 xhudistëve nga 37 shtete. Për Jasharin, kjo ishte medalja e dytë e artë pas medaljes së fituar në Kupën Evropiane në Gior, Hungari, ku fitoi në pesë dyluftime që të mbërrijë deri në dekorimin më të lartë.