Fansat e Mançester Junajtedit kërkojnë që Murinjo të largohet

Mançester, 14 mars 2018 (MIA) - Dëshprim të madh te tifozët e Mançester Junajtedit shkaktoi eliminimi në 1/8 e finales në Ligën e kampionëve, pas çka ata kërkojnë që menaxheri Zhoze Murinjo të largohet nga klubi.
Mançester Junajted në ndeshjen kthyese me Seviljën dukej shumë i pafuqishëm, pa agresivitet dhe krejtësisht me meritë u eliminua nga ekipi spanjoll.
U paraqitën edhe porosi dërguar portugezit që të largohet nga funksioni menaxher i Junajtedit.
"Murinjo duhet të shkarrkohet që sonte. Jo nesër. Jo pasnesër. Menjëherë"; "Murinjo largohu nga klubi im. Natën e mirë"; Ju lus, vetëm dua të dëgjoj se Zhoze Murinjo u largua"; "Vetëm Murinjo është fajtor"; "Taktikë e tmerrshme", janë vetëm disa nga komentet e tifozëve të dëshpruar të Junajtedit.