Bufon: Është e mundur të vazhdoj të luaj për ItalinëMançester, 23 mars 2018 (MIA) - Portieri legjendar i Juventusit dhe reprezentacionit të Italisë, Xhanluixhi Bufon e komentoi kthimin në reprezentacionin e "azurëve" për ndeshjet kontrolluese me Argjentinën (23 mars, ora 20:45) dhe Anglinë (27 mars, ora 21:00). Bufon e publikoi tërheqjen e tij nga ekipi kombëtar pas mossuksesit të Italisë të plasohet në Botërorin 2018, por mori ftesë për ndeshje miqësore, të cilën megjithatë e pranoi. "Mendoj se të gjithë tashmë janë të vetëdijshëm për rolin që do ta plotësoj në ekipin kombëtar. Në karrierë gjithmonë kam qenë altruist, kam hequr dorë prej ambicieve personale në emër të ekipit. Mund të jem edhe 40 vjeç, por akoma jam numër 1 në Juventus. Nuk e di nëse ndeshjet vijuese do të jenë ndeshjet e mia të fundit për "azurët" apo Juventusin. E rëndësishmja është se jam shumë i qetë", tha Bufon.
|