Shkup, 18 prill 2018 (MIA) - Shkëndija në Shkup e mundi Vardarin me rezultat 2:3 në xhiron e 28-të të Ligës së Parë dhe u afrua vetëm një pikë nga shpallja zyrtare kampion i Maqedonisë.
Ndeshja që nga fillimi ishte dinamike me kthesa.
Besart Ibraimi me gol në minutën e gjashtë solli epërsi prej 0:1 për Shkëndinë, por pastaj Vardari e ndërmori iniciativën.
Me golin e Bojan Kolevskit në minutën e 42-të barazoi, ndërsa në fillim të pjesës së dytë ndaj Hofhanes Hambarxujman u shkaktua penallti, të cilën me sukses e realizoi Dejan Bllazhevski dhe solli avantazh prej 2:1 për Vardarin.
Në minutën e 52-të Ibraimi me gol nga gjuajtja e lirë barazoi (2:2), ndërsa gjashtë minuta më vonë Visar Musliu shënoi për fitore 2:3 për Shkëndinë.
Pas fitores së sotme Shkëndija ka 69 pikë, 23 më shumë se Vardari në tetë xhiro deri në fund të kampionatit.