Iguain para transferit në ÇelsiRomë, 12 korrik 2018 (MIA) - Futbollisti i Juventusit, Gonzalo Iguain, mund ta vazhdojë karrierën e tij në Çelsi, publikuan mediat italiane. Spekulohet se sulmuesi argjentinas do të pajtohet të shkojë tek "blutë" nga Londra nëse klubi i Premier Ligës i plotëson kërkesat e tij financiare. Në Torino, paga e sulmuesit 30-vjeçar është 7,5 milionë euro dhe ai nuk dakordohet për më pak se shtatë milionë euro. Paraprakisht u publikua se udhëheqësia e Juventusit është e përgatitur ta shesë Iguainin që ta respektojë ferplejin financiar pas blerjes së Kriatiano Ronaldos. Për portugezin 33-vjeçar, Juventusi, sipas informatave jozyrtare, Realit i ka paguar 112 milionë euro. Për shitje të argjentinasit, kampioni italian pret të marrë të paktën 70 milionë euro. Iguain në Juventus është nga viti 2016, ndërsa marrëveshja e tij aktuale skadon në fund të sezonit 2020/21.
|