Struga pësoi humbje nga "Zhelezniçar"-i në hapjen e Turnirit të hendbollit në Strugë Strugë, 15 gusht 2018 (MIA) - Nikoqiri i turnirit të Strugës, klubi i hendbollit Struga, pësoi humbje nga klubi serb "Zhelezniçar" në hapjen e edicionit të 46-të të këtij turniri ndërkombëtar.
Në "Plazhin e grave" mysafirët nga Nishi i fituan nikoqirët me 20:25.
"Zhelezniçar" nga fillimi i ndeshjes vendosi kontroll në terren, ndërsa në pauzë u largua me përparësi 12:14.
Në gjysmën e dytë mysafirët e rritën dallimin, i cili në një moment arriti 18:25, ndërsa ndeshja përfundoi me 20:25.
Në Grupin 2 përveç Strugës dhe Zhelezniçarit gjenden edhe Alingsas (Suedi) dhe Kostanica (Rumani), ndërsa në grupin 1 janë Eurofarm Rabotnik (Maqedoni), Celje (Slloveni), Tuluz (Francë) dhe Beshiktash (Turqi).
|