Cyrih, 3 shtator 2018 (MIA) - Kristiano Ronaldo nga Juventusi, Lluka Modriq nga Real Madrid dhe Mohamed Salah nga Liverpuli janë tre futbollistët që kanë hyrë në përzgjedhjen më të ngushtë për lojtarin më të mirë në botë për vitin 2018 të FIFA-s.
Për herë të parë pas 12 viteve mes tre kandidatëve për "Topin e artë" nuk është kapiteni i Barcelonës dhe fitues i pesëfishtë i këtij çmimi Lionel Mesi.
Dy vitet paraprake këtë çmim prestigjioz e ka fituar Ronaldo, i cili nëse e fiton edhe këtë vit do të bëhet rekorder me gjithsej çmime.
Në konkurrencë për trajner më të mirë u gjendën selektorët e kombëtares kroate Zllatko Daliq, dhe i kombëtares franceze Didie Deshamp dhe trajneri i deritanishëm i kampionatit evropian Real Madrid, Zinedin Zidan.
Shpallja e më të mirëve dhe ndarja e çmimeve do të mbahet më 24 shtator në Londër.