Torino, 7 tetor 2019 (MIA) – Trajneri i Juventusit, Mauricio Sari pas fitores prej 2:1 në derbin me Interin në Milano mbrëmë në xhiron e 7-të të kampionatit italian nuk i jep rëndësi të madhe renditjes në tabelë në këtë segment të kampionatit.
“Të jesh në vendin e parë tani nuk do të thotë shumë. Më me rëndësi është se luajtëm mirë, me karakter dhe vendosmëri kundër ekipit që deri tani i ka fituar të gjitha ndeshjet. Kam ndjenjë se mund të luajmë edhe më të mirë”, tha Sari pas ndeshjes.
Juventusi pas shtatë xhirove në Seria A udhëheq me 19 pikë, para Interit me 18. bsh/