Barcelona, 28 tetor 2020 (MIA) – Presidenti i Barcelonës, Zhozep Bartomeu tërhiqet nga funksioni, kumtoi mbrëmë shërbimi për shtyp i klubit katalanas.
Arsyeja e dorëheqjes janë rezultatet e dobëta sportive dhe gjendja ekonomike e klubit. Votimi i mosbesimit të Bartomeus mblodhi më shumë se 16.000 nënshkrime.
Paraprakisht, qeveria katalanase e kishte refuzuar kërkesën e drejtorisë së klubit për mbajtje të referendumit për t’i votuar mocion të mosbesimit kryetarit të Barcelonës, Bartomeu.
Ngjarja u planifikua për 1-2 nëntor, megjithatë, për shkak të dorëheqjes në udhëheqësinë e klubit, zgjedhjet e reja do të mbahen brenda rreth 40 ditësh. ls/shk/