Cyrih 10 janar 2014 (MIA) – Udhëheqës të FIFA-s, pas takimit me përfaqësues të Federatës së Futbollit të Kosovës dhe me ata të Federatës së Futbollit të Serbisë, kanë marrë vendimin që për ndeshjet miqësore të vendoset në takimet e ardhshme të FIFA-s, transmeton e përditshmja kosovare Koha. Përfaqësues të Federatës serbe të Futbollit janë deklaruar të kënaqur me këtë vendim.
Këshilli për çështje urgjente i FIFA-s mbahet të dielën, ndërsa Komiteti Ekzekutiv i FIFA-s mbahet në mars. Ende nuk është caktuar ndonjë datë që do të shqyrtonte futbollin e Kosovës.
Para fillimit konferencës, kryetari FFS-së, Tomislav Karaxhiqi kishte deklaruar se nuk do të japë pëlqimin as për zhvillimin e këtyre ndeshjeve, e sidomos zhvillimin ndeshjeve miqësore me vendet që kanë dalë nga ish –Jugosllavia.
Paraprakisht sot, para selisë së FIFA-s në Cyrih, është mbajtur një protestë e tifozëve dhe e shqiptarëve me qëndrim në Zvicër me kërkesë që Kosova të bëhet anëtare e barabartë e FIFA-s.