San Francisko, 2 nëntor 2017 (MIA) - Rrjeti social "Facebook" informoi se të ardhurat për kuartalin e tretë të vitit 2017 janë rritur për 47 për qind dhe janë 10,3 miliardë dollarë.
Fitimi i pastër i kompanisë ka qenë 4,7 miliardë dollarë, kërcim për 79 për qind.
Sipas raportit të kompanisë, 88 për qind e të ardhurave vijnë nga konsumatorët e pajisjeve celulare. Gati se i tërë fitimi i "Facebook" vjen nga reklamat e publikuara në rrjet. shk/08:57
###
Dogana për 10 muaj realizoi të ardhura më të larta për 7,8 për qind
Shkup, 2 nëntor 2017 (MIA) - Drejtoria Doganore e Republikës së Maqedonisë gjatë 10 muajve të kaluar të vitit i rriti të ardhurat për 7,8 për qind. Të ardhurat e realizuara janë 54,5 miliardë denarë që është për 4,7 miliardë denarë më shumë nga kjo periudhë vitin e kaluar.
"Drejtoria Doganore e Republikës së Maqedonisë në 10 muajt e kaluar të këtij viti vazhdoi me realizimin e suksesshëm të pagesës së taksave gjatë importit si doganë, tatimin e vlerës së shtuar dhe akciza dhe pagesën e akcizës jo vetëm gjatë importit, por edhe qarkullimin e brendshëm", thotë drejtori i Drejtorisë Doganore të Republikës së Maqedonisë Gjoko Tanasoski në intervistë për MIA-n.
Ai shtoi se suksesi i realizuar gjatë pagesës së të ardhurave është meritë e më shumë faktorëve, ndërsa para së gjithash të disiplinës së rritur financiare të të gjithë pjesëmarrësve në tregti. Sipas tij, është shumë i rëndësishëm edhe bashkëpunimi me institucionet të cilat kryejnë kontroll të tregut të brendshëm, posaçërisht me Drejtorinë për të Ardhura Publike dhe Inspektoratin Shtetëror të Tregut.ff/shk/10:16
###
Qeveria nga 1 janari e rrit akcizën e naftës për tre denarë
Shkup, 2 nëntor 2017 (MIA) - Nga 1 janari Qeveria planifikon ta rris akcizën e naftës për tre denarë.
Me rritjen e akcizës dhe TVSH-së çmimi i diselit do të jetë më i lartë për 3,5 denarë. Këtë e kumtoi ministri i Financave Dragan Tevdovski në debatin e sotëm publik në të cilin prezantohet Propozimi buxheti për vitin 2018.
Shkak për rritjen e akcizës, siç tha Tevdovski, janë rekomandimet e BE-së për mbrojtjen e mjedisit jetësor dhe uljen e ndotjes.
Sipas ministrit të Financave Dragan Tevdovski, edhe me këtë rritje çmimi i naftës në Maqedoni do të jetë më i ulët në krahasim me rajonin.
Efekti i pritur nga rritja e akcizës në Buxhet për vitin 2018 të cilin sot e prezantoi Ministra e Financave do të arrij 1,6 miliardë denarë, ndërsa nga TVSH-ja 350 milionë denarë dhe me këtë do të ketë të ardhura shtesë për Ndërmarrjen Publike për rrugët shtetërore.