Hjuston, 20 tetor 2022 (MIA) – Teleskopi Hapësinor i NASA-s James Webb ka fotografuar Shtyllat madhështore të Krijimit, të vendosura 7000 vite dritë nga Toka.
"Shtyllat e Krijimit" shfaqen në 3-D dhe duken si formacione shkëmbore madhështore... Por në fakt ato janë forma të përbëra nga gazi dhe pluhuri i ftohtë ndëryjor, të cilët herë pas here shfaqen "të tejdukshëm". Këto "Shtylla", meqë ra fjala, konsiderohen si fillimi i yjeve të rinj.
Teleskopi Hapësinor Hubble fotografoi për herë të parë një shembull të tillë në 1995. Imazhi i ri i James Webb duhet t'i ndihmojë shkencëtarët të krahasojnë modelet e mëparshme të formimit të yjeve me një numër më të saktë të yjeve dhe matje të reja të sasisë së gazit dhe pluhurit.