Pekin, 5 dhjetor 2022 (MIA) – Tre astronautët kinezë u kthyen me sukses sot në Tokë pas një misioni gjashtë mujor në Stacionin Hapësinor Tiangong, njoftoi Agjencia Hapësinore e Kinës.
Ekuipazhi, i cili ka qenë në stacionin hapësinor kinez që nga fillimi i qershorit, u ul në bazën Dongfeng në Mongolinë e Brendshme, në Kinën veriore në orën 20:09 me orën e Pekinit, tha agjencia hapësinore.
Sipas personelit mjekësor, tre astronautët, mes tyre edhe një grua, janë mirë. Tre astronautët Shenzhou-14, komandanti Chen Dong, astronautja e parë femër e Kinës Liu Yang dhe Cai Xuzhe, u ngarkuan me mbikëqyrjen e fazës përfundimtare të stacionit hapësinor që do të jetë kurorëzimi i programit ambicioz hapësinor të Kinës.