Научниците испорачаа научен доказ за она во што многумина инстинктивно беа уверени – алкохолот те прави попаметен.
Врвните истражувачи на Универзитетот во Оукленд, Нов Зеланд, преку проучување на менталните перформанси на посебно одгледани трансгенички стаорци добро опскрбени со алкохол, откриле дека умерената дневна консумпција предизвикува „зголемена когниција“.
Тие сметаат дека било крајно време да се спроведе едно такво истражување, затоа што пиењето етанол е многу честа појава во однесувањето на човекот... Слично како што чаша вино штити од срцеви заболувања. Сепак, овде се работи за друг механизам.
Заморчињата во експериментот биле поделени во три групи – едната добивала стаорски еквивалент на 5-6 пива дневно, втората пиела „еквивалент на количество алкохол што не го надминува ограничувањето за управување со моторни возила“. Третата група апстинирала.
По четири недели сериозно, умерено и никакво опивање, стаорците биле тестирани. Очекувано, стаорците-алкохоличари покажувале знаци на оштетување, т.е. не биле способни да ги препознаат своите стаорски играчки. Покрај тоа, „пијаниците“ имале лоши резултати и на емотивните тестови. Затоа пак, стаорците што пиеле „по две-три пијачки дневно“ имале убедливо најдобри резултати на сите тестови.
Во извештајот од своето истражување, научниците заклучиле дека кај алкохолната терапија, повеќе не е подобро. Напротив, прекумерното пиење е полошо за мозокот од целосната апстиненција.
Тие советуваат дека најдобро е да се пијат по две пива секој ден без исклучок. За оние што не сакаат пиво, виното е уште подобра опција, затоа што, нели, го штити и срцето. Прескокнувањето на денови не чини – особено ако потоа се обидеш одеднаш да го надокнадиш пропуштеното.