Охридско Езеро и на најголемиот сателит Титан

Името на Охридско Езеро ќе го носи и едно од езерата од метан и етан на Титан, најголемиот сателит на планетата Сатурн, соопшти Планетариумот на Младинскиот културен центар во Скопје.

Одлуката ја донела Меѓународната астрономска унија по предлог на македонскиот Планетариум.

Езерото има пречник од 17,3 километри и веќе се наоѓа на соодветните мапи на Титановата површина.

Титан е најголемата месечина на Сатурн и е единствен сателит во Сончевиот планетарен систем кој има атмосфера. На неговата површина се откриени езера и мориња од течен метан и етан, од кои досега имиња според езера на Земјата носат 25. Едно од нив го носи името и на албанското езеро Севан.

Планетарумот при Македонскиот културен центар во јуни годинава до Работната група за номенклатура на планетарниот систем предложи неколку имиња кои се поврзани со културата, традицијата и природните богатства во Македонија.