На популарниот блог за технологија Engadget се појавија фотографии од телефон за кој се претпоставува дека може да ја претставува четвртата генерација на iPhone.
Можно е фотографиите да го прикажуваат новиот изглед на еден од најпопуларните smart телефони, а на пазарот треба да се појави кон крајот на летото. Наводно, фотографиите се снимени во еден бар во Сан Хозе.
Меѓутоа, порталот PMP изрази одреден скептицизам за фотографиите. Поради празнината во логото и останатите ознаки, уредниците на овој портал се сомневаат дека снимките се лажни.
- Единствено времето ќе покаже дали ова е новиот изглед на iPhone, пишува на оваа страница.
Блогерот Џон Грубер, на еден друг веб портал напиша дека верува дека ова навистина е новиот iPhone. Добро запознаен со производите на компанијата Apple, Грубер, сепак вели дека ова не изгледа како производ кој ќе биде понуден на пазарот, туку ова изгледа е примерок за тестирање, а крајниот продукт би бил нешто друго.
Снимениот производ наводно има 80 GB меморија, камера од предната страна, а доаѓа со целосно нов софтвер.