Пуканките од микробранова се канцерогени

Пуканките се богати со растителни влакна и антиоксиданси, но ако ги купите како полуготов производ во вреќички кои потоа се ставаат во микробранова печка, уживањето може да ве чини здравје.

Веќе неколку години научниците предупредуваат дека пуканките кои се подготвуваат во микробранова содржат хемикалии кои можат да предизвикаат рак и проблеми со белите дробови.

Компаниите кои продаваат пуканки за подготовка во микробранова, пуканките ги пакуваат во вреќички кои содржат perlfuorooctanoic киселина (PFOA), која може да предизвика рак.

Американската агенција за храна и лекови FDA издаде и предупредување кое гласи: PFOA се наоѓа во вреќичките за подготовка на пуканки во микробранова печка во количина поголема од 300 микрограмови на килограм.

Киселината PFOA е поврзана со низа на болести. Резултатите од една студија со стаорци, покажуваат дека мала количина PFOA предизвикува тумор на црниот дроб, додека другите истражувања киселината ја поврза со другите облици на тумор и ја издвоија како состојка која нанесува систематско труење на организмот.

Освен тоа вкусното масло во кое се натопени зрната во вреќичката ја содржи хемикалијата diacetryl, познат подобрувач на вкусот кој се поврзува со болестите на бронхиите и белите дробови.

Ако сакате да уживате во нутритивните вредности на пуканките тогаш не ги купувајте во полуподготвена состојба кои се ставаат во микробранова, туку подгответе ги на стандарден начин во лонец.