Скоро 270 000 жени годишно умираат од рак на грлото на матката секоја година, а примарната причина за тоа е човечкиот папиломен вирус (ХПВ).
Сега, нова студија од Royal Women’s Hospital во Мелбурн и Victorian Cytology Service сугерира дека до 93% од случаите со рак на грлото на матката може да бидат запрени со ХПВ вакцината која моментално сè уште не е одобрена за користење во Австралија.
Околу три четвртини од ХПВ инфекциите се предизвикани од само две од скоро 200 нишки на вирусот – ХПВ 16 и ХПВ 18. Гардасил, квадривалентна ХПВ вакцина која е одобрена за користење во Австралија, штити и од двете форми.
За време на нивната стурија, истражувачите откриле дека 77% од 847 тестирани примероци на овој вид на рак биле предизвикани од ХПВ 16 и ХПВ 18, а 16% биле поврзани со ХПВ 31, 33, 45, 52 и 58. Гардасил 9 вакцината која е одобрена во САД во 2014-та, штити од сите 7 нишки.
Според овие бројки, истражувачите сметаат дека Гардасил 9 може да спречи до 93% од случаите со рак на грлото на матката.
Докторите веруваат дека доколку се продолжи со зголемување на бројот на вакцинирани со Гардасил 9, наскоро би можел комплетно да се елиминира ова заболување кај жените.
Секако, за комплетно елиминирање на заканата од ХПВ, ќе треба да се развие вакцина која ќе заштитува и од помалку познатите нишки на вирусот кои ги сочинуваат преостанатите 7% случаи покриени во ситуацијата.