Генетски модификуван полио вирус го подобрил долгорочното преживување на пациенти со смртоносен вид на мозочен тумор.
21% од пациентите третирани со вирусот биле живи по 3 години, во споредба со само 4% од оние кои се лечеле со стандардната хемотерапија.
Тестирањата во Дјук институтот за канцер вклучувале пациенти со глиобластома – болест која е тешко да се лечи и која е највообичаениот вид од сите малигни мозочни тумори, а која предизвикува напади, главоболки, заматен вид и збунетост.
Дури и со најагресивните третмани, оние со оваа дијагноза вообичаено преживуваат помалку од 20 месеци, додека оние кај кои болеста ќе се поврати, умираат во период од една година.
Истражувачите од Дјук ги започнале тестирањата од фазата 1 во 2012-та, за да ја тестираат безбедноста на третманот со модифицираниот вирус и за да ја одредат правилната доза.
Откога хирурзите имплантирале катетер во мозоците на пациентите, мала доза од генетски модификувана форма на полио вирусот била вбризгана директно во туморот. Вирусот, инаку, бил дизајниран да ги таргетира туморните клетки и да предизвика одговор од имунолошкиот систем.
Третманот со полио е еден од неколкуте „онколитични вируси“ кои се истражуваат како антиканцерогени агенти.
Иако истражувачите долго време ги сметале вирусите како потенцијални алатки за директно убивање на канцерите, сега тие сметаат дека можеби се поефективни во водење на имунолошкиот систем на телото против малигните клетки.
Една од пациентите била Дебра Пафер, 61 годишна жена која била дизајнирана со глиобластома во 2014 и била третирана со операција, хемотерапија и радијација.
Кога нејзиниот канцер се вратил, таа ја добила терапијата со полио вирусот по што 2.5 години канцерот бил повлечен. Кога тој повторно се вратил, таа добила „booster“ инфузија со полио минатиот август.
Сега е започната фазата 2 од тестирањата во Дјук и уште 3 други медицински центри за да се тестира третманот со полио вирусот во комбинација со други хемотераписки лекови, како и без нив, а се планираат и тестирања врз рак на дојките и меланом.