Човек кој живее во американската држава со највисока стапка на смртни случаи од опиоиди, е првиот партиципант во тестирањето на техника дизајнирана да помогне да се победи зависноста.
Во центарот за зависност во мозокот му биле имплантирани компјутерски чип и електроди, кои што испраќаат сигнали дизајнирани да му ги ограничат посакувањата за штетните супстанци. Истиот третман е извршен на уште тројца, чиј прогрес ќе биде анализиран за да се види дали употребата на ваквата технологија е оправдана.
Досега, главната апликација на DBS технологијата (Deep Brain Stimulations) е контролирање на тресењето, т.е треморот кај пациентите со Паркинсоновата болест, а истата технологија од скоро е одобрена и за користење против епилепсија.
Сега, истражувачите од универзитетот Западна Вирџинија решиле да употребат DBS за борба против зависноста.
DBS вклучува имплантирање електроди во критичните области во мозокот за продуцирање на електрични пулсеви на фрекфенции чија намена е да ги засилат позитивните мозочни бранови и да ги нарушат штетните сигнали.
За да се квалификуваат за учество во ова тестирање, пациентите требало да имаат опиоидна зависност која не реагирала на ниеден друг програм третмани.
Инаку, првиот реципиент на овој имплант е Џерод Букхалтер, 33-годишен маж кој користел опиоиди и бензодиазепин повеќе од една декада, и има историја на животно загрозувачки предозирања.