За време на рутинските операции на мозокот пациентите вообичаено се под анестезија, но не и овој пациент. Музичарот Бред Картер ги изненадил своите доктори откако побарал да свири на својата гитара додека тие му вградуваат пејсмејкер во мозокот.
Во 2006-та кај Картер е дијагностицирана Паркинсонова болест која му предизвикувала постојано тресење на рацете, по што му било препорачано да се подложи на хируршка интервенција. За време на операцијата Бред е потполно свесен додека докторите му ја отвораат главата и го ставаат пејсмејкерот. Видеата од настанот покажуваат како овој пациент најпрвин ги поздравува своите родители, а потоа свири на гитарата.
-Секој ја нема можноста да искуси свесна операција на мозокот. Мислам дека ова е одлична можност да се сподели со светот, вели доктор Nader Pouratian кој е дел од тимот кој ја извел операцијата.
Она што е уште поинтересно во овој случај е што за време на целата хируршка интервенција докторите од UCLA објавувале пораки на Twitter водејќи ги луѓето на социјалната мрежа низ процедурата.