Нов третман може да го промени заздравувачкиот процес на пациентите кои патат од рак на дојка, преку кој се намалува ризикот и времето поминато во заздравување.
Третманот користи еднократна техника која ја заменува повеќенеделната пост-оперативна радиотерапија со едно зрачење преку внатрешноста на дојката. Националната здравствена организација на Британија има пресметано дека третманот е ефективен доколку се употребува пред туморот да се прошири на другите делови на телото. Оваа метода може да им помогне на 36.000 луѓе и да обезбеди подобар третман по операцијата.
Кај сегашните третмани, пациентите прво подлегнуваат на операција со која се вади туморот и потоа поминуваат околу 15 радијациски третмани.
Новиот метод вклучува внесување на сонда во дојката, веднаш по отстранување на туморот и во времетраење од 30 минути се добива едeн третман со радијација. Овој вид на лекување, ја намалува потенцијалната штета на срцето, белите дробови и другите околни органи со што се избегнува изложување на дополнителни зрачења.
Иако овој третман се уште е нов и не се употребува во пошироки размери, резултатите од тестирањата на повеќе од 2.000 пациенти покажале поголема ефективност за разлика од досегашната радиотерапија.