Ако спаѓате во личностите кои никогаш не ги плаќаат сметките на време, не стигнуваат да набават карти за концертот бидејќи го чекаат последниот час или доцнат при купување подарок – тогаш имате проблем кој во психологијата стручно се нарекува прокрастинација, што во превод значи „одложување од еден ден до друг“.
Во магазинот „Psychology today“, научниците објаснуваат дека проблемот со одложувањето и одолговлекувањето на обврските го поседуваат дури 20% од луѓето. Исто така тие тврдат дека овој проблем не е толку сериозно признат во општеството, иако би требало да биде. Луѓето кои секогаш ги одложуваат работите немаат проблем со погрешна перцепција на времето, туку со самоконтролата и всушност се саботираат самите себе и си поставуваат препреки на патот кон успехот.
Се нагласува дека поединците кои спаѓаат во оваа група, не се така родени, туку тоа го научиле во кругот на семејството. Ако таткото е строг и сака да контролира, тоа доведува кај детето да не се развие доволно самоконтролата. Ако личностите кои одлагаат се склони кон алкохол, тоа е затоа што имаат проблеми со самоконтролата.
Научниците идентификувале три вида луѓе кои одолговлекуваат: оние кои се водат со возбудата и себеси се сметаат за најдобри кога се под притисок, оние кои ги избегнуваат обврските поради страв од неуспех и оние кои не можат да донесат одлука бидејќи сметаат дека тоа ги ослободува од одговорноста за резултатот на некое случување, односно „не одлучиле и не се криви“.
Последиците по здравјето може да бидат големи. Научниците спровеле истражување меѓу студенти и утврдиле дека имале поголем број на одложувања поради разни психоматски потешкотии, а пателе и од несоница. Овој психолошки проблем влијае не само на оној кој го има туку и на опкружувањето – пренесувањето на одговорноста на колегите или пријателите доведува тие да станат незадоволни и лути. Одложувањето ја уништува тимската работа, работното опкружување, но и приватните обврски.