Кратерот со необична форма што неодамна беше забележан од страна на НАСА и создаде збунетост кај научните кругови, по сè изгледа има мошне едноставно објаснување. Претпоставката е дека кратерот на површината на црвената планета е создаден како резултат на подземен мраз.
Теоријата се потврди откако под самиот кратер е пронајдена плоча од мраз со дебелина од 40 метри.
Вообичаено кратерите имаат облик на сад и немаат испакнатини по ѕидовите (не се слоевити), кои пак се создаваат како резултат на карпи и мраз.
Кога се формира кратерот, шок ударот од телото што ја удира површината на планетата варира во зависност од тоа каква е подлогата на земјата што се наоѓа под местото каде е ударот.
-Ако има послаб материјал во еден од слоевите, шок ударот полесно го потиснува тој слој при што се создаваат испакнатините помеѓу поцврстиот и помекиот материјал, вели Али Брамсон, студент од Планетарната лабораторија од Универзитетот од Аризона кој заедно со уште неколку колеги деновиве ги анализира кратерите.
Ваквите типови на кратери се вистинска реткост, но по сè изгледа дека површината на Марс во овој случај била како создадена за нивното формирање.