Голема колизија на две ѕвезди оддалечени 1800 светлосни години од нас може да додаде нов објект на ноќното небо, иако оваа привремена “ѕвезда“ ќе биде видлива само 2 до 3 години.
Ова е првпат експертите да се обидат да предвидат космичка експлозија од овој вид, а истражувачите велат дека шансите за предвидување на нова ѕвезда пред таа воопшто да се појави се еден спрема милион.
Тимот астрономи на чело со Лери Молнар од колеџот Келвин во Мичиген веќе подолг период ја набљудува бинарната ѕвезда со име KIC 9832227, која всушност е две ѕвезди која орбитираат една околу друга, и имаат заеднички делови од една иста атмосфера.
Истражувачите сметаат дека ѕвездите би можеле да се судрат некаде бидејќи времето потребно тие да изротираат една околу друга со тек на годините сè повеќе се скратува. Овој вид на спојување резултира со создавање на „црвена нова“ и експлозија 10 000 пати посјајна од ѕвездите, што е доволно за да биде видлива од Земјата одреден период.
Доколку настаните се одвиваат според предвиденото, експлозијата би можеле да ја видиме на ноќното небо во северното крило на соѕвездието Лебед некаде во 2022, и таа ќе биде видлива без телескопи.