Компанијата за вселенски туризам Virgin Galactic на Ричард Брансон е спремна да ги лансира првите комерцијални вселенски летови пред крајот на 2018-та.
Тие скоро го тестираа својот систем за повторно навлегување во Земјината атмосфера, а претходно бил комплетиран и првиот соло лет на леталото VSS Unity. И двата теста биле успешни.
Леталата кои ќе собираат 6 патници и 2 пилота ќе се лансираат од воздух и ќе ги носат патниците до дистанца од 100км над Земјата, каде ќе можат да искусат неколку моменти во микрогравитацијата и ќе имаат прилика да ја видат Земјата од перспектива од која малкумина ја имаат гледано. Сега засега, билетите за овој пат чинат $ 250 000.
Virgin не е единствената компанија која туристите сака да ги носи во вселената. Џеф Безос, еден од основачите на Amazon.com, исто така има компанија за вселенски патувања наречена Blue Origin.
Патниците во леталото New Shepard на оваа компанија ќе патуваат на иста височина како оние на Virgin Galactic, а Безос се надева дека и неговите летови ќе бидат возможни идната година.
И SpaceX на Елон Маск има интерес во комерцијалното вселенско патување, а за тие потреби го имаат развиено леталото Dragon V2, во кое 7 луѓе ќе можат да патуваат во вселената.
Приватизацијата на вселенските патувања ќе продолжи да ги поддржува научните потфати со тоа што ќе го зголемува интересот за истражувањето на вселената, истовремено олеснувајќи го процесот преку поддржување на иновации кои тоа ќе го направат полесно, побезбедно, и поевтино.