Откриена е нова планета која е една од најтоплите било кога откриени, а која орбитира околу најсјајната ѕвезда со најголема маса која има планетарен придружник. Доколку, како што сугерира орбитата, едната страна на планетата е постојано свртена кон ѕвездата, температурите таму би можеле да достигнат 4315 °C, што е потопло отколку температурата на некои ѕвезди од типот црвени џуџиња.
Ѕвездата е позната под името KELT-9, а планетата е KELT-9b. Дури и нашето Сонце е поблиску во температурата до планетата во KELT-9 системот, отколку до самата ѕвезда.
Иако KELT-9b има 2.8 пати поголема маса од Јупитер, таа е значително поголема што е резултат на радијацијата од ѕвездата, и најверојатно ја испушта атмосферата во вселената оставајќи гасовита трага. Дури и најцврстите молекули во атмосферата не би можеле да ги преживеат високите температури, што ја прави атмосферата на оваа планета уникатна.
Овие екстремни услови влијаат не само на атмосферата на KELT-9b, туку и на нејзината орбита, која се менува побрзо од онаа на повеќето планети и се очекува за некои 150 години да престане да транзитира и да не се врати во видикот од Земјата наредните 3500 години.