Германски научници се надеваат дека ќе успеат да постават 4G мрежа на Месечината, како поддршка за пристигнувањето на два лунарни ровери планирани за 2019.
Vodafone Germany најавиле дека планираат да ја поддржат приватната мисија на германскиот тим познат како Part-Time Scientists (PTScientists), со помош од Nokia Bell Labs, кои планираат да испратат ровер на Месечината со SpaceX Falcon 9 ракетата.
PTScientists оригинално биле едни од натпреварувачи во натпреварот Google Lunar XPRIZE кој бил откажан минатиот месец, но од кој самите се повлекле во 2017 барајќи приватни инвестиции за да го остварат својот проект.
Заедно со Audi, тие дизајнирале два „lunar Quattro” ровери за истражување на месечината, кои требало да бидат пуштени близу локацијата на слетување на мисијата Apollo 17 на NASA, и од која требало да снимат и испратат фотографии и HD видео материјали назад на Земјата.
За да меѓусебно комуницираат и да ги испраќаат податоците на Земјата, Vodafone и Nokia ќе развијат ултра компактна мрежа која ќе тежи помалку од 1kg, а ќе овозможува 4G мрежа на фреквенција од 1800MHz која ќе има клучно значење за оваа мисија, и ќе биде првиот чекор кон градење на комуникациска инфраструктура за идни мисии.
Теоретски, астронаут со телефон би можел да се конектира на оваа мрежа.