А.Ц. Чараниа, директорот за бизнис развивање на Blue Origin, вели дека оваа приватна компанија планира да комплетира мисија за слетување на Месечината пред 2023, која евентуално би овозможила „носење на луѓето на Месечината“.
Blue Origin ги објавија нивните амбиции за колонија на Месечината во март 2017-та, кога бараа асистенција од NASA и владата на САД за остварување на нивните намери. Од тогаш, тие се една од 10-те компании кои имаат добиено 10 милиони долари од NASA за лунарни истражувања.
Blue Origin не се единствената компанија од овој вид која се обидува да го врати човекот на Месечината. SpaceX исто така имаат објавено планови за идна колонизација на земјиниот сателит, а слични мисии имаат и NASA и руската вселенска агенција Roscosmos, како и компаниите Masten Space Systems и Moon Express кои работат на концепти на летало кое треба да слета на Месечината.
Инаку, на агендата на Blue Origin за следните неколку години има многу работи, поткрепени со милијарди долари годишно од Џеф Безос:
- Суборбитален вселенски брод New Sheppard кој моментално се тестира без екипаж. А би можел да се тестира со патници до крајот на 2018
- BE-4 ракетен мотор со течен природен гас кој се тестира во Тексас
- New Glenn ракетата која ќе ги користи BE-4 моторите и треба да биде лансирана во 2020-та.