Интернационален тим астрономи детектирал нешто што го нарекле „огромна галактичка фонтана„ од гас кој излегува од црна дупка во светла галаксија на оддалеченост од една милијарда светлосни години од нас.
Таа била откриена со помош на ALMA (Atacama Large Millimeter Array) и Големиот Телескоп (VLT – Very Large Telescope) во Чиле, во релативно блискиот галактички кластер наречен Abell 2597.
Набљудувајќи ја најсветлата галаксија во овој кластер, била откриена супермасивна црна дупка која од своето јадро исфрлала студен молекуларен гас, кој потоа „врнел“ врз неа. Волку голем систем со „фонтана“ во него кој се протега на широчина од 100 000 светлосни години досега не бил виден.
Се смета дека оваа „фонтана„ самата се регулира. Црната дупка го исфрла материјалот во вселената со огромна брзина, а тој повторно паѓа во неа овозможувајќи и моќ да ја зголемува својата активност, со што истиот процес постојано се повторува.
„Фонтаната“ најверојатно содржи околу 3 милијарди соларни маси материјал, а гасот кој црната дупка го исфрла е топол, додека материјалот кој повторна паѓа во неа е оладен до температури од околу -260°C
Според истражувачите, овој процес можеби е вообичаен во Универзумот и може да ни даде повеќе информации во врска со тоа како се формираат галаксиите.