NASA инвестираат во роботи без тешка метална шасија, кои функционираат со брзо надувување и испуштање на воздух од еден вид на вреќи полни со воздух.
Научниците од универзитетот Brigham Young во соработка со стартап компанијата Pneubotics создале робот на надувување наречен King Louie (Кралот Луи), кој може да служи како лесна алтернатива на металните роботи или роботските раце на роверите, шатловите или вселенските станици на NASA, пригодна за користење во разни вселенските мисии.
Една од потешкотиите со кои што неговите создавачи се соочуваат е фактот што роботот ја менува положбата секојпат кога е издуван, па повторно надуван. Сепак, тие успеале да му ги истренираат движењата, со тоа што тој сега знае колку далеку или високо да ја движи раката без разлика на варијациите предизвикани од надувувањето.
NASA инвестираат во ваквите истражувања бидејќи роботите на надувување би биле идеални за вселенски мисии поради нивната големина, мала тежина, издржливост и сигурност, а пред да станат автономни би можеле да овозможуваат асистенција на астронаутите со чија помош би функционирале.