Virgin Galactic, компанијата за вселенски туризам во сопственост на претприемачот и инвеститорот Ричард Брансон, планира до 2023-та да лансира шатл со патници во Вселената во просек на секои 32 часа – што е повеќе од едно лансирање на секои 2 дена.
Планот е билетите да почнат да се нудат на купувачите во 2020-та, кои за $250 000 ќе бидат пренесени на висина од 100 километри со вселенското летало SpaceShipTwo, каде ќе можат да искусат бестежинска состојба за неколку минути додека имаат поглед на планетата Земја.
Од компанијата се надеваат дека ќе лансираат 16 летови во 2020-та, а во наредните 4 години се очекува градење на флота од 5 SpaceShipTwo летала за да се зголеми бизнисот со вселенскиот туризам.
Под претпоставка дека секој од овие 16 летови е букиран, тоа значи дека вкупно 3242 луѓе ќе полетаат во Вселената помеѓу 2020-та и 2023-та, а Virgin Atlantic ги таргетираат клиентите кои имаат најмалку 10 милиони долари во банка – популација која компанијата смета дека ќе продолжи да се зголемува во следните 4 години.