Детектирањето на течна вода на егзопланетите сугерира дека на нив можеби постои некоја форма на живот. Колку повеќе откриваме такви „водени светови“, толку поблиску сме до потврдата дека не сме сами во Универзумот.
Сега, тим истражувачи од институтот за истражување на егзопланети при универзитетот во Монтреал, детектирал водена пареа во атмосферата на егзопланета со 9 пати поголема маса од онаа на Земјата, на оддалеченост од 111 светлосни години.
Планетата го носи името K2-18b и е откриена од Kepler вселенскиот телескоп на NASA во 2015-та. Се наоѓа на оддалеченост од нејзината ѕвезда колку што е оддалечена Земјата од Сонцето, што значи дека добива приближно иста енергија од неа, иако таа ѕвезда е помалечка и постудена од Сонцето. Сето ова значи дека водената пареа има потенцијал да формира облаци од течна вода во атмосферата на планетата, а со тоа и да се создава дожд.
Со анализирањето на вакви планети и нивните ѕвезди астрономите се еден чекор поблиску до директно детектирање на знаци на живот надвор од нашиот Сончев Систем.