Компанијата Caterpillar позната по нивните градежни возила соработува со NASA за изработка на машини кои би можеле да се користат за ископување на површината на Месечината.
Целта е да се одреди дали воопшто има смисла да се испраќа автономна градежна опрема или опрема која може далечински да се контролира, и со која би се собирале карпи, почва или вода која NASA би можеле да ги искористат како материјали за градење на лунарна база.
NASA и Caterpillar веќе долго време соработуваат на разни проекти од областа на роботиката, па така воопшто не е чудно што тие се едни од позначајните кандидати за изградба на лунарната инфраструктура кога ќе дојде време за тоа.
Инаку, моментално многу од клиентите на Caterpillar сметаат дека е сè потешко да се работи со градежна опрема во тешко пристапни или опасни области, како и на конзистентен начин да се транспортира персоналот до локациите и надвор од нив. Па така апликацијата на автономната градежна технологија или таква која би можела да се контролира од далечина станува сè повеќе неопходна и на Земјата.