Компанијата „Blue Origin“, сопственост на милијардерот Џеф Безос, соопшти дека планира да развие комерцијална вселенска станица што ја нарече „Orbital Reef“, во која ќе учествива и американската компанија „Боинг“.
Во соопштението од компанијата се наведува дека целта е орбиталната станица да се лансира во втората половина на оваа деценија.
Британските медиуми јавуваат дека партнер во овој проект ќе биде „Sierra Space, кој е дел од Sierra Nevada Corp., а ќе биде поддржан од Redwire Space, Genesis Engineering Solutions и Државниот универзитет во Аризона.
Вселенската станица „Orbital Reef“ ќе се користи како „деловен парк со различна намена“, а проектот планира да обезбеди инфраструктура потребна за зајакнување на економската активност и отворање на нови пазари во вселената, соопштија „Blue Origin“ и „Sierra Space“.
-Искусни вселенски агенции, високотехнолошки конзорциуми, суверени држави без вселенски програми, медиуми и туристички компании, претприемачи, спонзорирани пронаоѓачи и инвеститори кои размислуваат за иднината – сите имаат место на ,,Orbital Reef“, се наведува во соопштението на компанијата.