Сеизмичките бранови ги откриваат тајните на Црвената планета

Лендерот Mars InSight на НАСА можеби повеќе не е фунционален, но податоците што ги собра се полни со изненадувања - како првите директни набљудувања на јадрото на друга планета, за кое научниците сега веруваат дека е помало и погусто отколку што се мислеше.

Во трудот објавен оваа недела во Зборникот на Националната академија на науките, тим од научници кои ги истражуваат податоците на InSight откри дека два земјотреси снимени во 2021 година создале сеизмички бранови кои поминале точно низ јадрото на Марс, настан кој никогаш претходно не бил снимен.

Двата земјотреси беа исто така првите што InSight ги детектира од далечната страна на Марс, ---Колку подалеку е земјотресот од InSight, толку подлабоко во планетата треба да одат тие бранови за да бидат откриени, велат од НАСА

-Далечните земјотреси се суштински потешки за откривање бидејќи голем дел од енергијата се губи или се пренасочува додека сеизмичките бранови патуваат низ планетата. Ни требаа и среќа и вештина за да ги пронајдеме, а потоа да ги искористиме овие земјотреси, изјави водечкиот автор на трудот, Џесика Ирвинг.

Според податоците, последните сеизмички бранови поминале низ јадрото на Марс, откривајќи дека е составено од течно железо и една петтина од него содржи сулфур, кислород, јаглерод и водород.

InSight слета на Марс во 2018 година со цел да ја проучува внатрешната површина на Црвената планета. Додека го надмина првобитното времетраење на мисијата, InSight ја дочека својата судбина бидејќи неговите соларни панели, единствениот извор на енергија на лендерот, беа покриени со марсовска прашина, што оневозможуваше да привлече доволно енергија за да продолжи со својата мисија.