Неодамна забележан меѓуѕвезден објект со големина на Менхетен што се движи низ нашиот Сончев систем е идентификуван како комета, но двајца научници од Харвард тврдат дека постојат причини да се верува дека всушност станува збор за вонземска сонда.
NASA го откри 31/ATLAS на 1 јули, додека се движел низ внатрешноста на Сончевиот систем со брзина од 225.000 километри на час, според набљудувањата од телескопот ATLAS во Чиле, а експертите се збунети од каде потекнува.
Харвардскиот астрофизичар Ави Лоеб во нова студија предложи дека објектот, кој е третиот меѓуѕвезден објект некогаш детектиран, би можел да биде интелигентно управуван вонземски брод што ја набљудува Земјата, можеби со непријателски намери.
Хипотезата што ја разгледуваме е дека [31/ATLAS] е технолошки артефакт и дека има активна интелигенција. Ако тоа е точно, тогаш постојат две можности, напишаа д-р Лоеб, Адам Дроул и Адам Хибард во трудот објавен на 17 јули.
Во трудот се изнесени неколку аномалии на објектот, кои би можеле да укажуваат дека тоа не е комета, туку управувано летало.
Едно од најзбунувачките набљудувања е тоа што објектот има значително не-гравитациско’забрзување и е без кометно исфрлање на гасови.
Лоеб пишува дека 31/ATLAS „се приближува изненадувачки блиску до Венера, Марс и Јупитер со веројатност помала од 0.005%“.
-Нискиот ретрограден наклон“ на 31/ATLAS очигледно му овозможува „да ѝ пристапи на нашата планета речиси без препреки, се вели во трудот.
Ретроградниот наклон „значи дека обидите на човештвото да го пресретне, или уште потешко — да се сретне со него, се екстремно предизвикувачки,“ додека траекторијата истовремено му овозможува на 31/ATLAS лесен пристап до „одредени клучни планети,“ се вели во трудот.
Лоеб дополнително сугерира дека наклонот и патеката би ѝ овозможиле на интелигентната цивилизација на објектот да собира „астрометриски мерења, со цел да ги утврди орбитите и масите на планетите во Сончевиот систем, што би ѝ овозможило да подготви оптимална стратегија за пристап.“
Уште еден можен доказ е што 31/ATLAS ќе му се приближи најмногу на Сонцето на 29 октомври, ден кога објектот ќе биде целосно скриен од погледот од Земјата зад огнената топка.
Трудот, кој делумно е претставен како „педагошки експеримент“, ја прифаќа хипотезата за „Темната шума“ во однос на вонземскиот живот која претпоставува дека други интелигентни цивилизации најверојатно би ги гледале Земјаните како закана што треба да биде елиминирана.
Хипотезата за Темната шума, создадена во истоимената книга од 2008 година „Темната шума“ на Сишин Лиу (Cixin Liu), претставува директен одговор на Ферми парадоксот, кој сугерира дека контакт со вонземска интелигенција е невозможен или малку веројатен.