Денеска или најдоцна утре на земјината површина треба да се урне стариот американски сателит УАРС, за кој се тврди дека е најголем „вселенски отпад“ што се враќа од орбитата на Земјата во последниве 30 години.
Сателитот тежок шест тони би требало да падне во подрачјето меѓу 57-от степен северна географска ширина и 57-от степен јужна географска ширина, појас во кој живее најголемиот дел од светската популација.
При влезот во орбитата се очекува само делумно да согорат најголемиот дел од 26-те елементи на сателитот, по што остатоците ќе паднат на површината на Земјата. По прецизната локација на која што ќе се урне сателитот ќе биде позната неколку часа пред неговиот пад.
Експертите од НАСА сепак нагласуваат дека уривањето на овој сателит нема да има никакви последици по населението и животната средина. Според НАСА, ризикот од падот од сателитот по животите на луѓето е „екстремно мал“.