Огромен астероид со големина на носач на авион ќе помина меѓу планетата Земја и Месечината во вторник, 8-ми ноември. Астероидот наречен 2005 YU55, е единствен од тој вид кој ќе биде толку блиску до Земјата во последните 35 години.
Последниот астероид со таква големина што поминал толку блиску бил во 1976-та, но останал незабележан бидејќи НАСА не успеала да го регистрира поминувањето на астероидот. Астрономите кои го пропуштиле ова случување, ќе имаат иста шанса околу 11:30 наутро на 8-ми ноември.
- Се надеваме ќе успееме да ја фотографираме површината на астероидот, како и обликот и димензиите. Исто така се надеваме дека ќе добиеме што повеќе можности за информации за формацијата на Земјата, изјави портпаролот на вселенската агенција.
2005 YU55 е еден од 874-те објекти кои се близу Земјата и доколку би удриле во нашата планета би збришале град кој би го погодиле.
- Ова е одлична шанса да одблизу погледнеме и научиме не само за потенцијалните закани туки и да размислиме за историјата на соларниот систем, изјави уредничката на магазинот Astronomy Now, Емили Балд.