Како што беше и предвидено, роверот Curiosity во 7:31 часот по наше време слета на површината на Црвената планета и по неколку минути ги прати првите снимки. Роботското возило на американската вселенска агенција НАСА успешно слета на Марс, по стотина милиони километри поминати во Вселената, официјално објавија екипите на НАСА од центарот Пасадена во Калифорнија.
Curiosity ќе има двегодишна мисија за пронаоѓање докази дека на црвената планета некогаш имало услови за живот.
- Ова е неверојатно, изјави Ален Чен заменик шеф на тимот за спуштање на Curiosity кога на Земјата пристигнаа првите фотографии од карпестиот терен.
Роверот Curiosity кој е најамбициозна и најголема машина која е испратена во Вселената, полета од Земјата во ноември лани и мина пат долг 560 милиони километри. Роверот кој е познат и како Марсова научна лабораторија, опремен е со инструменти за испитување на карпи во кратерот Гејл, во потрага по можни показатели дека на таа планета некогаш живееле микроорганизми.