Биг Бенгот создал нова вселена во која времето се враќа наназад

Биг Бенгот можеби создал уште една сосема иста вселена како нашата во која времето се враќа наназад. Една од најголемите научни мистерии е како и зошто времето се движи нанапред. Во обидот да се реши оваа мистерија, научниците дошле до нова теорија, преку која веруваат дека пред 14 милијарди години се создала уште една вселена, која изгледа како одраз на нашата.

- Ако времето во нашата вселена се движи нанапред, во другата вселена можеби се движи наназад, сметаат научниците кои го направија ова истражување.

Една работа е сигурна – се работи за истражување кое би можело да го промени начинот на кој размислуваме за вселената. Физичарот Жулиан Барбур кој работел на истражувањето тврди дека постојат две стрелки кај времето, кои се движат во спротивни насоки, но интересно е тоа што и двете се формирани од Големата експлозија.