„WhatsApp“ ги здружи силите со компанијата „Open Whisper Systems“ со цел да добие „end-to-end“ енркипција, односно најбезбедниот начин за размена на пораки која една апликација за допишување може да им ја понуди на своите корисници. Според информациите овој новитет автоматски ќе им биде вклучен на сите.
Интересно е тоа што оваа опција прво се појави за Android корисниците, што исто така е новитет, ако се знае дека новитетите обично апликациите ги нудеа прво за Apple корисниците, т.е. iOS корисниците, но со оглед дека таа веќе се појави на „Android“, тоа е многу голем успех поврзан со безбедноста на корисниците.
- Најинтересно е тоа што „клучевите“ за дешифрирање на разменетите пораки ќе ги имаат само двајцата корисници кои се допишуваат, и само тие две лица ќе имаат пристап до конверзацијата. Постојат и други апликации за допишување кои го имаат овој вид на заштита („Cryptocat“, „Silent Text“, „Telegram“), но „WhatsApp“ е најпопуларна од сите, пишува CNet.
Со ова WhatsApp ги помина Viber, Facebook и Skype кога станува збор за безбедна комуникација.
Компанијата во последните шест месеци работеше на развојот на оваа функција.