Verily, сестринската компанија на Google, во партнерство со гигантот Procter & Gamble (P&G) креираше „паметни пелени“ кои го следат спиењето на бебето, како и колку пати врши нужда.
Новиот продукт е наречен Lumi, ќе биде продаван од страна на Pampers, а се состои од поврзан систем кој вклучува два сензори за активност во пелените, Logitech камера која користи како wi-fi монитор и смартфон апликација во која се складираат сите податоци.
Секој од сензорите за активност лесно се закачува со лепенка на пелените (батеријата им трае околу 3 месеци) и ќе детектира колку е потопена сината лента за влажност на надворешниот дел од пелената.
Тие информации ќе бидат испраќани до апликацијата каде родителите ќе имаат увид кога бебето било нахрането, кога и колку спиело, кога извршило нужда и сл. Истовремено, Logitech камерата која има слика со висока дефиниција и снима со широк агол ќе овозможува родителите постојано да имаат поглед на бебето, како и увид на температурата и влажноста во собата.
Pampers препорачуваат сензорите да се користат кај новороденчиња, па до 12-месечни бебиња.