Видеоиграта „Call of Duty: Моbilе“ во првата седмица од појавувањето на пазарот, се продаде во над 100 милиони преземања на уредите со оперативен систем Андроид или ИОС.
Со ова, мобилната верзија на „Call of Duty“ во таа смисла ги надмина „Fortnite“ и „PUBG“. Освен тоа, според аналитичката компанија Sensor Tower, иако оваа видеоигра е бесплатна за симнување, остварила приход од 10 милиони американски долари, по разни други основи.
– Податоците за преземањето на мобилната видеоигра „Call of Duty“ се импресивни, посебно ако имаме предвид дека играта сѐ уште не е е пуштена во продажба во Кина. Ова е најголемото лансирање на мобилна игра во историјата, во однос на бројот корисници во првата седмица, изјави Ренди Нелсон одSensor Tower.