Компанијата Uber, поточно нејзината дивизија Uber Eats ги претстави дроновите кои ќе бидат дел од нивниот сервис за испорака, пред нивното официјално тестирање во 2020-та.
Дронот користи 6 ротори кои ја менуваат позицијата во зависност од тоа дали полетува или слетува.
Со новиот дизајн, овие дронови може да пренесуваат оброци за двајца луѓе, а користат батерија дизајнирана за повратен пат во домет од 20 километри. По времето потребно за товарење и истоварување на храната, на дронот му останува време за лет од 18 минути. Uber ќе го користат нивниот систем за менаџирање на воздушниот простор за да го следат дронот и да го известат возачот кога нарачката ќе биде спремна за превземање.
Од Uber Eats планираат возач да го превземе процесот на испорака штом дронот пристигне на локацијата од каде тој би ја зел храната од него, со што би се избегнале препреките како бавниот сообраќај или лошото време.
Дронот постојано ќе лета на височина под 122 метри, што е во согласност со постоечките правила кои се однесуваат на летањето на дронови.
Од Uber очекуваат првиот лет дронот да го има пред крајот на оваа година, а следното лето се планира негово тестирање за испорака на храна во Сан Диего.