Производителот на автомобили Ford дизајнираше „ Emoji Jacket“ која може возењето велосипед по улиците да го направи значително побезбедно. Таа на задниот дел има панел на кој се прикажуваат разни известувања или расположението на велосипедистот, во форма на т.н емотикони – со што се олеснува комуникацијата со останатите возачи на патот.
Од Ford ја креираа јакната во партнерство со специјалистите за индустриски дизајн Designworks, како дел од кампањата „да го делиме патот“, чија цел е да ги охрабри луѓето да возат побезбедно, а покрај емотиконите прикажува и индикатори во врска со насоката во која се движи велосипедистот, како и предупредувања за опасности на патот. Нејзините функции се контролираат преку безжичен управувач монтиран на рачките на велосипедот.
Уште една „да го делиме патот“ иницијатива е wheelswap, искуство со виртуелна реалност кое овозможува да го видите светот од гледна точка на велосипедист или возач на автомобил, а нејзината цел да ја промовира хармонијата помеѓу возачите и велосипедистит, охрабрувајќи ги да направат позитивни промени во поглед на тоа како се однесуваат на улиците.
Емотиконите се фундаментален дел од начинот на кој го користиме јазикот и имаат универзално значење без разлика на кој јазик зборуваме или во кој дел на светот ги употребуваме, па така оваа јакна креира важен линк помеѓу личноста која ја носи и останатите возачи, без разлика на нивниот јазик.