На интернет деновиве се појавија два нови вируса Nuwar.OL i Valentin.E, кои се поврзани со Денот на вљубените, соопшти компанијата Panda Security.
Доколку деновиве добиете e-mail под називот „I LoveYou So Much“, „Inside My Heart“ или „You ... In My Dreams“, добро размислете пред да го отворите зошто може да ви го зарази компјутерот.
Таквата порака „црвот“ најчесто го кријат во линк за Интернет страница која изгледа едноставно и безопасно. Ќе помислите дека некој ви праќа романтична честитка со големо розово срце. Сепак, не станува збор за љубовна изјава.
Штом го „инфицира“ компјутерот, вирусот препраќа e-mail на други корисници. „Црвот“ ја отежнува работата на компјутерот, а може да го избрише и хард дискот.
И вирусот Valentin.E делува слично. Мејловите под називот„Searching for True Love“ или „True Love“ кога ќе се отворат ослободуваат „црви“. Прво ќе ви понудам бројни слики за десктоп, а потоа почнуваат да копаат по вашиот компјутер.
Од Panda Security советуваат:
1. Не ги отворајте e-mail од непознати адреси, ниту пак линковите кои стигаат од познати лица
2. Ако навистина ве копка за што станува збор ископирајте го линкот во adress bar
3. Добро размислите пред да кликнете на љубовната разгледница или на кратките видеа
4. Најдобро би било на време да го заштитите својот компјутер со соодветен антивирус
{Д.Т}